Հինգշաբթի, 24 Յուլիս 2014

Հ.Մ.Ը.Մ.ի Ոտնագնդակի 2րդ մրցաշարք 5x5

ՏպելԷլ.փոստ

Դասաւորում - Յունահայ կեանք

Հ.Մ.Ը.Մ.ի Աթէնքի վարչութեան կազմակերպութեամբ, ոտնագնդակի մրցաշարքի բացումը տեղի ունեցաւ Ուրբաթ 17 Յունիսին, Ֆիքսի «Առաքելեան¬Կիւտէնեան» մարզադաշտէն ներս եւ շարունակուեցաւ Շաբաթ եւ Կիրակի օրերուն ընթացքին։ Մրցաշարքը կը շարունակուի շաբթուան ընթացքին։

Սոյն մրցաշարքը նուիրուած է վեթերան ՀՄԸՄական, ֆութպոլիստ եղբ. Խաչիկ Աղապապեանի յիշատակին

Եղբայր Խաչիկ Աղապապեան, որու յիշատակին նուիրուած է մրցաշարքը,  ծնած էր Աթէնքի մէջ 1938ին եւ մահացած 2002ին։ Իր ամբողջ կեանքը նուիրած էր Հ.Մ.Ը.Մ.ին։ Վարած էր նաեւ այլ պաշտօններ Հ.Յ.Դ. Երիտասարդական Միութեան, եւ ծառայած էր

Հ.Յ.Դ. կուսակցութեան։ Եղած էր Հ.Մ.Ը.Մ.ի Ֆիքսի վարչութեան եւ Յունաստանի Հ.Մ.Ը.Մ.ի Շրջանային Վարչութեան անդամ։ Ֆութպոլիստի իր կեղծանունն էր «բարոլա»։
Շաբաթ 25 Յունիսին, նախաւարտական մրցումներուն պիտի յաջորդէ բացօթեայ խնճոյք մարզիկներու եւ ժողովուրդի մասնակցութեամբ։ Աւարտական մրցումները տեղի պիտի ունենան Կիրակի 26 Յունիսին, բաժակներու տուչութեամբ յաղթական խումբերուն։ Մրցաշարքին զուգահեռ Հ.Մ.Ը.Մ.ի վարչութիւնը կը կազմակերպէ ցուցահանդէս մը, Ֆիքսի «Արամ Մանուկեան» ակումբի սրահէն ներս։ Ցուցահանդէսը կþընդգրկէ Հ.Մ.Ը.Մ.ի անցնող տասնամեակներու պատմութենէն արխիւներ, լուսանկարներ, որոնք կը ցոլացնեն վարչութիւններու, ինչպէս նաեւ սկաուտական շարժման գործունէութիւններ։ Ցուցահանդէսը կը բացուի Չորեքշաբթի 22 Յունիսին եւ կը տեւէ մինչեւ Կիրակի 26 Յունիս։
Անցեալ Ուրբաթ օր, երեկոյեան ժամը 8ին, տեղի ունեցաւ մրցաշարքին բացումը եղբ. Յարութիւն Սպարթալեանի կողմէ, որ ներկայացուց 12 խումբերը։

Ապա Նէոս Գոզմոսի Ս. Կարապետ եկեղեցւոյ հոգեւոր հովիւ Տ. Նարեկ քհնյ. Շահինեան աղօթք մը ըրաւ ի յիշատակ եղբ. Խաչիկ Աղապապեանի։
Յաջորդաբար հրաւիրուեցաւ Հ.Մ.Ը.Մ.ի պատուակալ նախագահ եղբ. Կարպիս Գույումճեան պաշտօնական բացումը կատարելու համար։ Եղբայրը իր խօսքին մէջ անդրադարձաւ եղբ. Խաչիկ Աղապապեանի կեանքին ու գործին, մասնաւորապէս Հ.Մ.Ը.Մ.ի կեանքէն ներս։
Անցեալ շաբաթավերջին կայացած մրցումներուն մասնակցեցան 12 խումբերը։ Ուրբաթ գիշեր մրցեցան «Լունէի» եւ «Պոթաֆիոնկի» խումբերը (8-15 արդիւնքով) եւ «Ծերանոց» եւ «Քսիլոքոփի» (Փայտահատներ), որ վերջ գտաւ առաջինի յաղթանակով (10-3 արդիւնքով)։
Շաբաթ երեկոյեան կայացան «Ծերանոց»-«10 եղբայրներ» (մրցումի արդիւնք՝ 11-3), «Վեթերաններ»-«Ապագայ» (10-7), «Ապսոլութ-Պոթաֆիոնկի» (3-2) եւ «Վրդովածներ»-«Սեւ կայծեր» (9-4) խումբերուն միջեւ մրցումները։

Կիրակի գիշեր կայացան «Ապագայ»-«Ֆիքս Իւնայթըտ» (2-7) եւ «10 եղբայրներ»-«Փայտահատներ» (4-4) մրցումները:


Լոռի Պարազեան

Share
κατοχυρώσεις ονομάτων.....