Երեքշաբթի, 30 Սեպտեմբեր 2014

Ազատ Օրի նորոգուած կայքէջը սկսաւ գործել

ՏպելԷլ.փոստ

Դասաւորում - Յունահայ կեանք

Արդիականացման կարիքը միշտ զգացած է «Ազատ Օր»ի խմբագրութիւնը, որ կը փորձէ քայլ պահել համակարգչային եւ ելեկտրոնիկ նոր արհեստագիտութեան ընձեռող բոլոր յարմարութիւններուն։
Շատոնց արդէն զգացուած էր կայքէջը նորոգելու անհրաժեշտութիւնը եւ այդ ուղղութեամբ աշխատանք կը տարուէր։ Թերթի խմբագրութիւնը համագործակցութեամբ Մարինօ Գարամանեանի եւ իր աշխատակիցին, նոր օրէնքներուն համարկերպող կայքէջ մը պատրաստեցին, ուր գրութիւնները զետեղուած պիտի ըլլան ըստ կարեւորութեան եւ նիւթի բովանդակութեան։ Պիտի օգտագործուի unicode տառատեսակը, որ հնարաւորութիւն կուտայ իւրաքանչիւր համակարգիչի «բանալ եւ կարդալ» էջը։
Յատուկ բաժինով ամէն օր պիտի տրուին օդերեւութաբանական երեւոյթները՝ Աթէնքի, Թեսաղոնիկէի եւ Երեւանի մէջ, ինչպէս նաեւ նախատեսուած է դրամանիշի փոխարժէքի անկիւն։ «Ազատ Օր»ի վիտէօ¬ներով եւ լուսանկարչական ալպոմներով հետզհետէ պիտի լրացուի կայքէջը։
Մեր պաշտօնակից թերթերու, աշխատակիցներու ռատիոկայաններու եւ հեռատեսիլի յղումներու միջոցաւ պիտի պահպանուի հայկական մամուլին կապը։

Այցելեցէ՛ք մեր նոր կայքէջը
եւ ձեր նկատողութիւններն
ու կարծիքները մեզի ուղարկեցէք
www.azator.gr

Share
κατοχυρώσεις ονομάτων.....